Op ‘n Wildsplaas in Thabazimbi, net voordat die son sy laaste strale agter die horison intrek, vra Francois die mooie Krystle om sy vrou te word. Dis ‘n baie gelukkige paartjie wat ‘n paar maande later ewige trou aan mekaar beloof by Gelukkie. Dis ‘n romantiese klein venue by die idilliese weskus dorpie Paternoster, wat “Onse Vader,” beteken. Seemeeue krys en sweef laag in die blou lug toe die bruid en haar kaalvoet gevolg aangestap kom na die strand waar die seremonie plaasvind.
By Gelukkie staan aanwysings op hout balkies tussen die skulp grys paadjies om die gaste in die regte rigting te stuur. Heel oorspronklik is daar selfs een waaraan kwaste hang, Dit is daar vir die gene wat eers die sand tussen hulle tone wil afvee. Die groot geel sonneblomme in die bruid en gevolg se hand ruikers is verder geneem tot op die tafels by die onthaal. Dit pas perfek by hul gemaklik warm Weskus troue soos die bruidspaar beplan het. Hulle huwelik begin met die son, see en baie liefde wat hul omring.
Hoe het julle die eerste keer ontmoet?
Die eerste keer wat ek Franna (Francois Bezuidenhout) ontmoet het was November 2004 in Margate op ons matriek vakansie. Toevallig het hy in dieselfde woonstelblok gebly as wat my vriendin se ou gebly het. En so het ons almal maar saam gekuier. Ken mekaar dus al 11 jaar.
Hoe het julle verloof geraak?
Was op ‘n familie naweek in Thabazimbi op n wildsplaas Net voor son onder het ons ‘n entjie gaan ry.. Ons het n bottel wyn gehad en net gesels. Toe ek weer kyk het hy my gevra om te trou.
Hoe lank was julle saam voor jul getrou het?
Ons was 8 maande saam voor ons getrou het.
Advies wat julle aan ander paartjies kan gee?
Geniet elke oomblik van die reëlings. Doen wat julle wil. Dis julle dag. Die huwelik is soos ‘n leë boks. Jy moet iets insit voordat jy iets kan uithaal. In ons huwelik maak ons ‘n punt daarvan om te gee, om mekaar lief te hê, en saam die Here te dien. Dit is wat ons boks gaan vol maak. Die lekkerste lekkerste lekker = SAAM
Klik hier vir meer diensverskaffers
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Venue: Gelukkie, Paternoster
- Rok: Wilma Du Plessis Designs
- Grimering en Hare: Anette Olwagen
- Dekor & Blomme: Ruth-Gelukkie
- Fotograaf: Kusjka Du Plessis Photography
- Uitnodigings: Pistachio Designs
- Troukoek: Familie
