Bon Cap is geleë teen die Langeberge in die pragtige Eilandia Vallei tussen Worcester en Robertson. Foto opsies in die vallei is uniek tussen wingerde, vrugte boorde, tafeldruiwe, tuine en ons pragtige Karoo natuurskoon.  Bruidspare het ‘n keuse vir die seremonie tussen die kapel, roostuine of die ondergronds vat-kamer en die onthaal area kan tot 150 gaste met ‘n dansbaan akkommodeer.  Bon Cap voorsien bruide van ‘n een-stop trou venue waar alles van spyseniering, blomme, dekor en koördinering in-huis behartig word.  Die plaas bied ook akkommodasie vir 36 gaste.

Sonder twyfel was Bon Cap Guestfarm and Wedding venue ons heel gunsteling diensverskaffers.  Hulle maak troubeplanning stresvry vir enige bruid.  Alles was perfek op die dag en daar was nie een ding wat skeefgeloop het nie.  Hulle het die dekor, kos, handruiker en vele meer gedoen en dit was ʼn fenomenale werk.  Een van die assistente het selfs op die dag met ’n sambreel aangehardloop gekom om my uit die trou kar uit te help terwyl die reën. Hulle het orals gehelp en hulle kan letterlik enige iets vir jou doen.  Nie net is dit ʼn mooi venue nie, die diens wat jy by hulle kry is ongelooflik.

★★★★★

Christopher & Elda

September 2019