Vrolike Winter gestileerde fotosessie

Vandag se gestileerde foto sessie bewys aan ons dat Winter nie altyd vaal, koud en nat is nie.  Die pragtige vrolike foto sessie is deur die lieflike Maria Margeurite en haar span bymekaar gesit.  Lees onder meer oor die fotosessie.  Geniet dit.

Vertel ons leser meer van die inspirasie vir die foto sessie

Dis ‘n familie vriend se vrugte plaas in die Magaliesberge wat al vir meer as 5 jaar aan Woolworths hul perskes, kersies en blou bessies verskaf, van die 1ste keer wat ek my twee voete in die stof gevind het, was ek verlief, elke seisoen op die plaas is uniek in sy eie manier, byvoorbeeld, Winter op die plaas in die Magaliesberge is ver van vaal, dis pragtig versier in klein fyn skakerings van pienk bloeiseltjies.. Ek het net besluit daar en dan, ek kan nie, nie gestileerde fotosessie hier doen nie, en so het die end produk begin … ‘n Yskoue winters dag tussen die perske boorde se bloeisels in die Magaliesberge het ek en my span vir julle ‘n droom sessie geskep, skakering van pienk, met silwer, en sagte sagte rose, proteas en ‘sweetpies” (en net om ietsie ekstra spesiaal te noem, voordat hulle vrugte begin produseer en verskaf het was dit n protea plaas van die vroeë 1960’s se jare).