Etienne & Amanda se selfdoen troue

Etienne en Amanda se selfdoen troue was een groot makietie gewees.  Hulle het in die oulike dorpie, Porterville getrou, wat mens amper kan beskryf as ʼn plattelandse dorpie.  Hulle troue was een van die mooiste self gedoente troues wat ons in ʼn lang tyd gesien het.  Ons kon duidelik sien dat Etienne en Amanda hulle self gate uit geniet het.  Dit is immers die mees spesiaalste dag in hulle lewens as ʼn getroude paartjie.

Ons het verlief geraak op die pragtige sonsondergang foto’s wat deur een van Suid-Afrika se beste fotograwe afgeneem is, Moira West.  Wel ons dink dit sal die beste wees as ons min woorde het en meer foto’s so geniet al die mooi foto’s van die selfdoen troue hieronder.

Hoe het julle mekaar ontmoet en verloof geraak?

Ons het mekaar ontmoet by n dans plek een aand in 2010 en was onmiddellik aan die gesels toe ons nou uiteindelik mekaar ontmoet, maar nietemin.  Ons het nommers uitgeruil en mekaar van die volgende dag af begin SMS en MXIT.

Na so paar weke se hier en daar uitgaan en boodskappe verruil, het Amanda net verdwyn en eers weer amper twee maande later haar verskyning gemaak in dieselfde dans plek waar ons ontmoet het.  Nou, dit was na hierdie ontmoeting wat ons nie weer mekaar sou laat gaan nie.

So twee maande later het ons begin uitgaan en omtrent ‘n jaar en drie maande later het ek haar gevra om met my te trou een oggend in April verlede jaar by Hudsons on Vredenheim in Stellenbosch. Ek het haar gevat vir n ontbyt (wat ‘n piekniek sou wees as dit nie gereën het nie) en na die tyd het ons gaan stap in hulle tuine en daar tussen al die plante het ek op my een knie gegaan en die jawoord gevra. En soos hulle sê: die res is geskiedenis …

Hoe het julle besluit op die onthaal saal?

Ons het hierdie onthaal gevind op n kampterrein se webtuiste waar ons al voorheen gaan kamp het.  Ons het net geweet dat dit die onthaalplek is wat ons wou gebruik en  die deposito sommer net daar en dan betaal, nog voor ons die plekkie met ons eie oë gesien het.

Wat het julle gedoen op julle wittebrood?

Ons was baie bevoorreg gewees om verblyf in die Beacon Island Resort (Plettenbergbaai) as ‘n geskenk te kry.  So ons was Plettenbergbaai toe vir twee weke en goedjies in en om Plettenbergbaai gedoen.  Alles van Olifante ry, Cheetahs stap, Tier welpies troetel tot Crocodile cage diving. Ons het darem tyd gehad om te rus ook.