Ontbyt geïnspireerd gestileerde fotosessie

Vandag deel ons die laaste gestileerde fotosessie van die 6 inskrywing vir die Mooi Troues kompetisie.  Soos al voorheen genoem het ons die foto sessie op geen spesifieke volgorde gedeel nie. Dié foto sessie is ʼn ma en dogter ontbyt.  Jou ma is jou beste vriendin en daar is niks meer spesiaal om tyd saam jou ma te spandeer voor jou troudag nie.  Lees gerus onder meer oor die foto sessie.

Die pragtige Lanzerac Hotel geleë op die buitewyke van Stellenbosch is een van die oudste wynplase in die distrik en het ʼn ryk geskiedenis van feeste.

Hierdie 300 jaaroue landgoed, is in 1991 omskep in ʼn hotel wat vandag  wêreldwyd bekend is.

 Mees onlangs is die onthaal lokaal, beter bekend as “The Cellar Hall”, meesterlik oorgedoen met net die beste en mooiste dekor.  Omring met die mooie Jonkershoek berge en die plaas se wingerd terrasse  maak dit nou een van Stellenbosch se gewildste. Boonop bied 48 Luukse kamers  en hulle wêreldklas wyne  gaste ʼn onvergeeflike ervaring.

Ons kon nie wag om hulle ryk tradisie en nuwe toevoeging aan die wêreld te wys nie. Clara en haar ma se spesiale ontbyt en ma -en -dogter tydjie saam is vasgevang. Die troukoek het sy staanplek gekry in klein glas-huisie. Roelien het haar harp gespeel  en   personeel  het  ‘Deconstructive’ melktertjies  bedien. Niks minder as goud en  orgideë  was goed genoeg vir hierdie fees….

• Venue: Lanzerac