Dit het begin met ‘n bakkie wat afgeleë in die Kruger Wildtuin staan, reën wat op die grond val, peusel happies, sjampanje, en ‘n groot boom. Op 15 Desember 2010 haal Kevin ‘n gefrommelde boksie agter die spaarwiel uit en so waar is daar ‘n ring binne-in.
Hulle het hul troudag met geloof aangepak. Die Liewe Vader het hulle net geseën soos hulle die troue beplan het. Heaven on Vaal was net die regte venue, omdat hulle albei lief is vir die natuur. Ná die ontmoeting met die fotograaf, het hulle sommer dadelik geweet hulle sal goed oor die weg kom. Die foto’s het inderdaad prentjiemooi uitgekom.
Almal het hul asems opgehou oor die reënbuie wat die hele week vóór die troue gestort het. Die oggend van die troue het die son sy verskyning gemaak net soos Cheré haar verskyning in die paadjie gemaak het. Vir die res van die dag het hulle sonskyn gehad.
“Ons voel baie geseënd oor die spesiale dag wat ons gehad het. Ná die tyd het dit net sin gemaak dat ons reën gehad het op ons troudag. Ons het dan reën gehad die dag wat ons verloof geraak het ook!”
[section=Klik hier vir diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Open Image Photography
- Venue: Heaven on Vaal
