Bessies-tema trou inspirasie

Bessies & Bruide_0001


Wat was die inspirasie agter die fotosessie? 

Die natuur het soveel mooi elemente dat ons gedink het, hoekom net by blomme bly? Bessies is mos net so mooi! Ons het toe blomme en bessies in ons tema gekombineer en die kleure van die bessies as riglyn gebruik.

Die gevolg was ’n pragtige samestelling van diep-rooi, pers, en skakerings van pienk, te danke aan Paradiso Flowers.

Ons wou ook ’n sprokiesagtige gevoel uitbeeld, en Marieke van Marieke Make-Up and Hair het die hare en grimering met daardie gedagte bymekaar gesit.


Bessies & Bruide_0002 Bessies & Bruide_0003


Vertel ons meer van die tafel? 

Die tafel en dékor was gedoen deur Blooming Wonderful Décor Hire en die blomme op die tafel was verskaf deur Paradiso Flowers.

Die ster van die tafel was die groot “bessiebos” wat oor die middel van die tafel gehardloop het. Die fyn rooi-pienk bessies van hierdie stuk verleen soveel tekstuur en detail aan die ontwerp.

Pragtige koper blompotjies verleen ’n ietwat outydse gevoel aan die tafel, met moderne glas wynglase om dit teen te speel.

’n Pikswart kersstaander gee ’n ’n titsel misterie, met gepaartgaande swart naamlinte wat binne in die wynglase geplaas is, sowel as swart spyskaarte met goue skrif.


Bessies & Bruide_0004 Bessies & Bruide_0005 Bessies & Bruide_0006


Hoekom het julle die venue gekies?

 

Die pragtige ou herehuis op die perseel is wat ons aangetrek het tot die venue.

Dit het ’n pragtige groot ou visdam met ’n mooi tuin en groot bome reg rondom. Dit het vir ons ’n mooi agtergrond geskep vir die Bessie-tema.


Bessies & Bruide_0007 Bessies & Bruide_0008 Bessies & Bruide_0009


Hoekom het julle daardie spesifieke rokke gekies?

 

Die rokke is van twee verskillende ontwerpers – elk met haar unike styl.

Alana se rokke het ’n amper “boho” gevoel met vloeiende materiaal, baie kant en mooi detail.

Heléne se rokke het weer ’n meer vroulike, prinsesagtige gevoel met baie mooi volheid.

Albei ontwerpers se rokke het op hul eie manier iets spesiaals aan die tema bygedra. Dit gee toekomstige bruide ook ’n paar “looks” om van te kies, wat almal mooi saam met die Bessie-tema werk.


Bessies & Bruide_0010 Bessies & Bruide_0011 Bessies & Bruide_0012


Enige advies wat jy as fotograaf kan gee aan paartjies?

 

Dis baie maklik om mooi troufoto’s te kry tydens jul trousessie:  wees bloot julself! Die mooiste oomblike word vasgevang wanneer paartjies vergeet dat die fotograaf daar is, en net mekaar se geselskap vir ’n rukkie weg van die gaste geniet.

Die fotograaf mag dalk bietjie leiding gee, maar moet nooit voel dat jy ’n stywe glimlag moet aanplak of stokstyf met jou hand in jou sy staan as dit nie jy is nie!

Geniet doodeenvoudig daardie spesiale oomblikke.


Bessies & Bruide_0013 Bessies & Bruide_0014 Bessies & Bruide_0016 Bessies & Bruide_0017 Bessies & Bruide_0018 Bessies & Bruide_0019 Bessies & Bruide_0020


Diensverskaffers:

Fotograaf: Ever, Ever Photography | Hare & Grimering: Marieke Makeup and Hair
Alle Blomme: Paradiso Flowers | Dékor en Gedrukte Items: Blooming Wonderful Decor Hire
Stoele: Downing Event Hire | Servette: Table Cloth Hiring Company | Troukoek: Cakes by Natasha
Trourokke: Bridal and Evening wear design | Venue: Monkey Town