Jaco en Liza-Mari is ʼn besonderse oulike paartjie en Jaco was vreeslik kreatief op die manier hoe hy Liza-Mari gevra het om te trou. Lees gerus hieronder.
Ons sê baie dankie aan Elsa van e.Late Photography wat die paartjie se liefde op kamera vasgevang het sodat ons dit vandag met jul kan deel. Ons sien uit om binnekort hul trou fotos ook dalk met jul te kan deel.
Hoe het julle ontmoet?
Ons het deur gemeenskaplike vriende ontmoet een aand by ʼn kuier. Ek het dadelik geweet daar is iets spesiaals aan haar. Die pragtige vrou met die borrelende persoonlikheid. Hier moet ek ʼn plan maak, het ek vir myself gesê.
Ek het dit duidelik gemaak dat sy weet ek stel belang, maar ongelukkig was sy op daardie stadium in ʼn verhouding. Ons paaie het geskei tot ons mekaar na byna ʼn jaar weer raak geloop het. Hierdie keer was die tyd reg gewees vir ons, altwee enkel lopend. Vyf maande later trek sy Hermanus toe en nog sewe maande daarna vra ek haar om met my te trou.
Hoe het jy haar gevra om te trou?
5 Februarie 2015 – Ek het ʼn ou glas botteltjie by die huis ontdek en ʼn boodskap geskryf wat ek daarin gesit het. Met hulp van haar vriendin het ons dit op die strand gaan begrawe waar dit lyk of dit uitgespoel het. Ek het gewag tot sy klaar gewerk het toe gaan stap ons langs die see af. Sy het op die bottel afgekom, boodskap oopgemaak en gelees “Liza-Mari Diedericks sal jy met my trou?”. Ek het op my knie gegaan en sy het “JA” gesê.
Waar trou julle?
De Oudekraal. Baie oulike plek naby Stanford, baie natuurlik.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: e.Late Photography
