Oh, ons is sommer baie opgewonde om hierdie prettige geel retro spaar-die-datum kaartjie idee met Mooi Troues se lesers te deel. Geel is só ʼn helder en pret kleur en bring ʼn warm en speelse gevoel tot enige trou skryfbehoefte ontwerp.
Hierdie spaar-die-datum kaartjie ontwerp is perfek vir enige tipe troue. Of dit nou ʼn intieme Somer troue is of ʼn lekker gesellige Winter troue is, dit sal verseker jul trou gaste opgewonde maak om so ʼn mooi helder spaar die datum kaartjie te ontvang. Aan die agterkant van die kaartjie is ook ʼn foto van die paartjie geraam in ʼn geel raampie ontwerp wat dit ook persoonlik maak.
Suzanne’s Wedding Stationery het hierdie oulike spaar die datum kaartjie, of soos dit op die kaartjie lees, hou die datum. Rol af om meer te sien van die hou die datum oop kaartjie.
Meer oor Skryfbehoeftes op Mooi Troues
Trou skryfbehoeftes speel ʼn belangrike rol in jou troudag. Daarom deel Mooi Troues weekliks trou skryfbehoefte inspirasie van ons bydraers. Hulle is professionele grafiese ontwerpers met ondervinding in die trou bedryf. Die bydraers verstaan waarna die moderne bruidspaar opsoek is en ken die nuutste tendense. Mooi Troues het ʼn groot verskeidenheid skryfbehoeftes aanlyn, wat ontwerp is deur talentvolle grafiese ontwerpers.
Die trou uitnodiging is een van die eerste indrukke wat jou gaste van jou troue sal kry. Wanneer gaste die venue binnekom, is die eerste dinge waarna hulle soek die sitplek kaartjie, asook die naamkaartjies op die tafels. Wanneer jou gaste by hul sitplek sit, is almal gewoonlik nuuskierig om te weet wat hulle gaan eet. Dus sal die spyskaart op die tafel ook deel wees van jou gaste se eerste indruk van die onthaal.
Is jy opsoek na trou skryfbehoeftes vir jou grootdag? Mooi Troues bied gratis trou skryfbehoeftes inspirasie, beskikbaar aanlyn. Elke bruidspaar wat opsoek is na iets uniek vir hulle troue, sal by Mooi Troues iets vind.
Ons het ook ʼn groot verskeidenheid gratis aflaaibare trou skryfbehoeftes beskikbaar. Jy kan gratis vanaf Mooi Troues aflaai, laat druk en vir jou troudag gebruik. Klik hier om te kyk na ons gratis skryfbehoeftes.
Jy kan kies en keur tussen honderde verskillende trou uitnodigings, spyskaarte, naam kaartjies en vele ander items. Indien jy opsoek is na skryfbehoefte ontwerpers wat Mooi Troues aanbeveel, klik hier om ons Trougids te besoek.
Mooi Troues hoop jy geniet die bron van inspirasie wat ons vir jou troudag bied.
Artikel Krediet:
- Skryfbehoeftes: Suzanne’s Wedding Stationery
