In die inskrywing deel ons GJ en Ilse se Peaky Blinders geïnspireerde verlowing fotosessie met Mooi Troues se lesers. Dié paartjie se verlowing fotosessie uitrustings was geïnspireer deur die Netflix reeks, Peaky Blinders. Hulle klere was alles ʼn swart tema wat eintlik só mooi uitstaan teen hulle fotosessie se agtergrond.
Die paartjie se fotosessie is só spontaan en jy kan sommer sien hulle het die baie geniet. Daar was tot ʼn pragtige swart perd deel van die paartjie se verlowing fotosessie. Dit is besonders mooi.
ʼn Verlowing fotosessie speel só ʼn groot rol en daar is soveel redes hoekom ons altyd motiveer dat paartjies ʼn verlowing fotosessie doen. Een van die redes is sodat die paartjie foto’s het vir herinneringe. ʼn Verlowing tydperk gaan só vinnig verby en as julle weer kyk, het julle geen mooi professionele foto’s nie.
Die ander rede is om meer gemaklik te wees voor die kamera. ʼn Verlowing fotosessie gee julle die kans as paartjie om meer gemaklik te raak met die fotograaf en voor die kamera. As julle skaam is, is dit veral belangrik om een te doen. Dan sal jy so lekker glimlag soos dié paartjie op julle troue, sonder enige stres. Besoek Mooi Troue se Trougids om ʼn professionele fotograaf te bespreek vir julle verlowing fotosessie.
Rol af om meer te lees oor GJ en Ilse se verlowing tydperk en hulle Peaky Blinders geïnspireerde verlowing fotosessie se foto’s te sien.
Die paadjie wat gelei het tot die verlowing:
Ons het ʼn gemeenskaplike vriendin wat ons aan mekaar voorgestel het. Ons was ses maande verloof.
Die groot vraag:
Ons het die 2de Junie 2022 by Madikwe, Impodimo Lodge verloof geraak.
Tydperk voordat die knoop deurgehak word:
Ons trou die 28ste Januarie 2023 by Anderland.
Die verloofring:
Dit is ontwerp en gemaak deur Marion Rehwinkel Jewellery (MJR Le’Atelier). Ek het foto’s van waarvan ek hou vir GJ gestuur en die res was ʼn verrassing.
Rede vir die verlowing fotosessie:
Foto’s vir die uitnodiging en om die oomblik vas te vang en te kan koester.
Inspirasie agter die verlowing fotosessie:
Peaky Vlinders, die Netflix reeks.
Verwagtinge en vrese vir die verlowing tydperk:
Om elke oomblik te absorbeer en ten volle te kan geniet, dit gaan in ʼn oogwink verby.
Visie vir droomtroue:
ʼn Groot feesviering saam met die wie ons die liefste het.
Klik hier vir meer diensverskaffers
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Zani Gutsche
- Fotosessie Venue: Benmar
- Verloofring: Marion Rehwinkel Jewellery (MJR Le’Atelier)
