Geniet jou wittebrood in Greyton

Ons het ‘n naweek wegbreek geniet na The Regency on Regent in Greyton, een van ons gunsteling klein dorpies in die Wes-Kaap, slegs twee ure se ry vanaf Kaapstad.  Greyton is ‘n pragtige dorpie in die Overberg omring deur berge en riviere.  Dit is die perfekte wegbreek plek as jy opsoek is na ‘n klein dorpie om te ontspan, maar waar daar nogsteeds lewe is en iets om te doen.

Regency on Regent is die perfekte wegbreek huis vir jou wittebrood.  Alhoewel die huis meer as een slaapkamer het, tik dit al die boksies af as jy opsoek is na ‘n romantiese wegbreek saam met jou bruid of bruidegom.  Veral as julle baie tyd saam wil spandeer sonder om gedwing te voel om met ander mense te gesels en saam kos te maak of te gaan uit eet by Greyton se vele restaurant opsies op die dorp.

Die huis is ook perfek om reg te maak vir jou troudag of vir jou gaste om in te bly.  Dit is lekker ruim en niemand sal in mekaar se plek wees nie.  Jy sal die mooiste foto’s kry, omdat dit ‘n minimalistiese huis is en alles baie modern is.

The Regency on Regent is ‘n luukse boutiek selfsorg huis in Regent Straat, Greyton.  Die oomblik wat ons in gestap het by die huis voel dit of jy in ‘n lewende Pinerest bord is.  Jy kry ‘n kliniese gevoel.

Op die perseel is daar ook ‘n klein kothuis met ‘n dubbelbed met ‘n stort, wasbak en toilet. Daar is ook ‘n koffie/tee stasie in die kothuis.  Die groot Franse oopskuif deure loop uit op die groot tuin.

Jy kom die huis binne in ‘n groot ingangsportaal, met ‘n staal trap wat oplei na die kamers toe. Aan jou regterkant is ‘n groot badkamer met luukse produkte, ‘n toilet en ‘n groot stort.  Aan jou linkerkant is die eerste kamer wat uitloop op die swembad area.  Reguit uit die ingangsportaal kyk jy van regs na links na die kombuis, eetkamer en sitkamer.  Alle areas het groot ruite en Franse deure wat uitloop op die veranda area en die swembad.  Alhoewel ons nie die swembad gebruik het nie, want dit was bietjie koel gewees en lekker gereën.

The Regency on Regent het ‘n modern en vol toegeruste kombuis, perfek om enige kos moontlik te kan maak.  Die kombuis sluit in ‘n gasstoof, elektriese oond, eet hoek in die kombuis, waskamer met ‘n mikrogolf, wasmasjien, droër en ‘n skottelgoedwasser, so jy hoef letterlik amper niks te doen nie, behalwe om te ontspan.

Daar is ook ‘n groot eetkamer tafel tussen die kombuis en die sitkamer in die oopplan leefarea.

Die prentjie mooi sitkamer het ‘n kaggel vir die koue wintersaande en het twee drie sitplek banke.  Daar is ‘n groot verskeidenheid boeke vir jou om te lees of speel ‘n bord-speletjie.  Al die leef-areas het groot deure wat uitloop op die stoep na buite.

Vir ekstra sekuriteit het die huis ook ‘n alarmstelsel en -balke buite.  Ons het wel baie veilig gevoel.

Die huis het drie slaapkamers.  Een slaapkamer onder met ‘n deur wat uitlei na die swembad, sonder ‘n badkamer.  Daar is wel ‘n groot badkamer met ‘n stort reg oorkant die kamer.  Op die eerste vloer is daar twee slaapkamers.  Die een slaapkamer het ‘n groot dubbelbed met ‘n Victoriaanse bad, wasbak en ‘n toilet.  Die kamer het ‘n dubbel=volume spitsdak met twee groot dak-ruite, waar jy die sterre in die aand bo jou kan sien.   Die derde slaapkamer het ook ‘n Victoriaanse bad, wasbak en ‘n toilet.  Daar is twee enkelbedjies met twee ekstra enkelbed uittrek matrasse.

Buitekant is daar die mooiste dek area met ‘n braai en tafel waar jy geseling buite kan kuier onder die massiewe Eikeboom en liggies wat hang vanuit die eikeboom.  Dit is een van ons gunsteling area’s en gee amper ‘n Al Fresco gevoel so onder die bome,, buite in die natuur.  As jy gelukkig is mag die koei van die buurmense teen die heining kom staan.  Ja, jy lees reg, daar was ‘n koei.

Slegs ‘n paar minute loop en jy is in die middel van Greyton se besigheid kern, waar daar soveel oulike winkels en restaurant is om van te kies.  Hierdie dorpie het ‘n baie spesiale gevoel en jy voel so veilig om in die strate te loop opsoek na jou volgende kopie.  Daar is ‘n bekende kruidenierswinkel op die dorp.  Dit is ‘n klein winkel, maar hulle hou alles aan wat jy sal nodig hê om kos te maak en die basiese benodighede.  As jy nie self wil kos maak nie, kan jy altyd ‘n wegneem ete of pizza bestel.  Anders kan jy by een van die dorp se vele restaurante ontbyt, middagete of aandete geniet.

Kontak Regency on Regent om jou naweek of week wegbreek te boek per e-pos by info@regencyonregent.co.za.

Artikel Krediet