Jan-Stephan & Michelle se buitelug plaastroue

Paartjies wat inspirasie soek vir ‘n buitelug troue sal dié plaastroue van Jan-Stephan geniet.  Jan-Stephan boer met vrugte op Tulbagh en op hul familie plaas is ‘n trouvenue.  Gelukkig het sy ma al meer as 300 troues in die venue gedoen, só was die stres baie minder.  Hulle het besluit om ‘n buitelug troue te hou om ‘n gemaklike, amper piekniek gevoel te gee.

Rol af en geniet Jan-Stephan en Michelle se storie.

 

Julle troudatum en Ouderdom van paartjie op troudag?


17 November 2018 – Jan-Stephan: (32) en Michelle: (31)

bridal gown wedding dress

Hoe het julle mekaar ontmoet en wie het wie gevra om te trou?


Ons het ontmoet by een van my beste vriendinne se troues waar ek ‘n bruidsmeisie was, sy het nie ‘n ‘kousband’ gehad nie en het ‘n pienk rugbybal gegooi in die kousband se plek- dit was groot sports.  Later die aand het ons die bal vir mekaar gegooi en soos hy sal sê hy het gedink: “Sjoe!  Die meisie het “bal sin” en die res is geskiedenis.

Ons het verloof geraak in die Kruger Wildtuin op 29 Julie 2018 – Jan Stephan het ons bespreek vir ‘n “sonsondergang toer”.  Op ‘n uitklim koppie het Jan-Stephan die groot  vraag gevra.  Ek was niks vermoedend – ek het nie eers geweet daar is ‘n ring nie.  Sy broer en sy vrou (nou skoonsuster en swaer het saam ons vakansie gehou en het heel lekker saam gespeel, my skoonsuster moes heel pad die ring vervoer).  Die son het gesak en Jan-Stephan het op sy knieë gegaan en my gevra om te trou.  Hy is nie ‘n man van baie woorde nie en het net gevra ”Michelle, sal jy met my trou?”.  Dit was die maklikste en beste besluit wat ek nog ooit geneem het en het ‘n vinnige emosionele “Ja” geantwoord.  Ek het eers na die tyd uitgevind hy moes die hele karretjie uit-bespreek sodat ons as die son sak op ‘n spesifieke plek alleen kon wees.

men in suits

Vertel ons meer oor hoekom die bruid haar spesifieke trourok gekies het?


Ek het geweet net een persoon moet my rok maak:  Alana van Heerden!  So ek was glad nie gespanne oor my rok nie.  Ek moes wel vir Alana omkoop met die feit dat ons altwee Heemstede alter-maters is, omdat sy vol was moes sy vir my ‘n plekkie gemaak.  Ek en my skoonma het foto’s gekyk om te kyk vir trou idees op die internet.  Ons het op die prentjie afgekom en geweet dit is my rok!  Ek is na Alana toe en sy het ‘n meesterstuk aan mekaar gesit – haar eie talent ingesit en aangepas vir my lyf.  Ek wou iets gemaklik hê, wat mooi sit en reg is vir my liggaamsbou.  Die sool kan ook afhaal – want ek is geneig om aan goed vas te hak en oor dit te val, so ek kon lekker dans en wikkel in my rok.

wedding stationary flower girl dresses here comes the bride sign here comes the bride rose gold wedding band

Vertel ons meer van jul ringe.


Ons altwee se ringe is by Viljoen Juweliers gemaak.  My verloofring het Jan-Stephan self gekies (ek het geen bydra gehad nie).  Anneke, die juwelier, het gesê Jan-Stephan het presies geweet wat hy wil hê.  My ring is Roosgoud met een groot diamant en klein diamantjies rondom.

Jan-Stephan se ring is matt Roosgoud – hy het dit gekies toe ons my troupand gekies het wat ook net plein Roosgoud is.  Jan-Stephan se ring moes iets wees wat ons sal kan knip as sy hand iewers vas sit. Veral omdat hy so baie met sy hande werk in die boerdery.

Die kleur pas by ons altwee se gelaat en ek moet sê dit was regtig ‘n plesier om met Viljoen Juweliers in Worcester te werk – hulle is baie behulpsaam, talentvol en professioneel.

Vertel ons meer oor die fotograaf en jul videograaf.


Fotograaf is Adene Niewoudt.  Sy is gemaklik nes ons.  Ons wou graag iemand plaaslik gebruik en Adene was ‘n engel en haar werk spreek vir dit self- ons foto’s is ongelooflik!

Videograaf is Rudy van Tonder van Grootdorsproduksies.  Rudy en Chané is ‘n plesier om in die rondte te hê en die video wat hy gemaak het is ‘n regte kunswerk.  Soveel talent.

wedding food ideas bridal party

Wat was die merkwaardigste oomblik van dié dag en wat sou julle verander indien moontlik?


Definitief die oomblik toe ons “Ja” sê – dit was ongelooflik.

Michelle: Om die gevoel te beskryf die oomblik wat jy liefde en trou veraltyd aan die liefde van jou lewe en man van jou drome beloof is onmoontlik!  Dit is soos om die boerpot te slaan om dit na die tyd te vier saam met almal vir wie ‘n mens lief is.  My hart wil nogsteeds by my oë uitloop as ek aan ons troudag dink – dit voel vir my asof liewe Jesus na die dag gekyk het en gesê het: dis goed, dis mooi, dis reg.  Ons was so geseënd met alles wat in plek geval het, ons het onder die Blou hemel in die skadu van Akkerbome ewigheid aan mekaar beloof en onder die sterre hemel partytjie gehou.  Die hele dag was soos ons is – gemaklik en net ons self.  Ons was gelukkig om op die plaas te trou wat ons ook ons huis noem.  Partykeer moet ek myself nog knyp as ek dink ek is nou Mev. Lombard en ek kan nie anders as om uit te sien na die toekoms saam met my man nie.

Jan-Stephan: My troudag was vir my een groot fees.  Ek het myself omring met mense wat baie gemaklik is en nie maklik stres nie.  Ek glo dit het bygedra tot die sukses van die troue.  Na die seremonie het die tyd gevlieg en alles het gebeur soos wat ek dit nog altyd wou gehad het.  Gaste was baie op hulle gemak, die toesprake en seremonie meester was fantasties en die kos was uit die boonste rakke.  Die platejoggie het gesorg dat die partytjie-gees aan die gang bly en ons het gedans tot in die vroeë oggend ure. Ek kon vir niks beter vra nie en om alles te kroon het Michelle my asem weg geslaan.  Ek is een gelukkige man om haar nou my vrou te kan noem.

bridegroom wedding couple photoshoot wedding couple photoshoot wedding couple photoshoot wedding couple photoshoot wedding couple photoshoot bull and wedding couple wedding guest wedding guest

Hoe het julle die venue gekies en wat was die inspirasie vir jul dekor?


Ons was gelukkig genoeg om op Jan-Stephan se familieplaas te trou.  My skoonma het ‘n trouvenue op die plaas en het al meer as 300 troues gedoen, so ons was in die bekwaamste hande ooit.  Sy het self die kos voorberei en net ‘n stilis ingery om alles op te dis en uit te pak op die aand.  Ons het ‘n buffet ete gehad- en dit raak nou weer hoogmode om dit te doen.

Die dekor is deur n familie’-vriend Cobus van Niekerk gedoen.  Ons het voor op die gras getrou, buite in die venue se binnehof gesit en binne gedans … so die gevoel was plaas en fees amper soos ‘n piekniek.

buitelug troue buitelug troue buitelug troue

Wat is jul advies aan ander paartjies wat besig is om hul troue te beplan?


Bruidegomme:  Wees op jou gemak en wees jouself want dis jou troue.  As jy op jou gemak is sal jou gaste ook op hulle gemak wees en almal sal ‘n lekker tyd hê.  Moet nie stres as party goed nie gebeur soos jy dit beplan het nie, want die gaste weet nie wat beplan was nie.  Sorg dat jy ‘n platejoggie kies wat die gaste kan lees, want as die mense lekker kuier het jy outomaties ‘n lekker troue.  Geniet elke oomblik want dit is in ‘n oogwink verby.

BruideFokus op dit wat belangrik is: Die gelofte aan mekaar en voor God die res is ‘n partytjie saam mense wie vir julle lief en daar is om saam met jou fees te vier.  Meeste mense wat na ‘n troue toe kom, kom om hulle self te geniet.  Ontspan, eet dans en kuier saam jou vriende familie en  jou man- dit gaan vrek vinnig verby! 

Hoeveel gaste het julle onthaal?


Ons het 150 gaste gehad.

wedding food ideas wedding food ideas wedding food ideas wedding food ideas wedding food ideas wedding food ideas wedding food ideas

Vertel ons meer oor jul eerste dans


Ons het die dansvloer oop gemaak op: You’ve got something I need van Ben Hayward  Dis sulke mooi woorde net so perfek vir ons ons kies mekaar elke dag.   Ons kan gelukkig lekker saamdans en het nie nodig gehad om te oefen nie.

wedding dance wedding dance wedding dance wedding sweet table wedding sweet table

Vertel ons meer van jul Wittebrood


Jan-Stephan boer met vrugte en ons  het net voor seisoentyd getrou en kon ongelukkig nie op wittebrood gaan nie, maar beplan ‘n lekker vakansie in Mei.  Ons sien vreeslik uit.

Diensverskaffers