Vintage gestileerde fotosessie

Ons is baie opgewonde om vandag die Vintage geïnspireerde fotosessie met julle te kan deel.  Die studente van SA School of Weddings het die romanse baie mooi saam gebring in die dekor.  Gaan loer na die jong talent se werk onder en lees die advies wat hul gee aan paartjies wat nog gaan trou.

Inspirasie agter die fotosessie:

Met ʼn paar verskillende dekor idees is alles gekombineer en ʼn French Affair styl is geskep. Hierdie styl is ʼn kombinasie van pastel kleure, Franse dekor en baie blomme. Die fotosessie, genoem Timeless Love, het menige betekenisse. Dis ʼn styl wat al lank in die mode is en is hier om te bly. Enigiets vintage is tydloos. Die liefde self is tydloos, dis iets wat al miljoene jare bestaan en is iets wat altyd deel van die lewe sal wees. Hierdie fotosessie is alles wat ʼn huwelik moet wees: sag, romanties en tydloos, want die liefde bly verewig.

Advies aan paartjies wat trou:

• Doen goeie navorsing op diensverskaffers. Vra die nodige vrae.
• Probeer om altyd ʼn professionele trou beplanner/koördineerder te hê. Hulle help met baie meer as wat mense dink.
• Hoe is die venue betrokke op die dag van die troue
• Kies die regte venue vir die styl van die troue.
• Kies die regte Seremoniemeester. Vermy ongemaklike oomblikke.
• Kies die regte strooijonkers en strooimeisies, wees seker hulle dra julle belange op die hart.
• Moenie alles self probeer doen nie.
• Moenie alles los tot die laaste nie, wees goed voorberei.
• Besoek ʼn huweliksberader, dis niks vreemd nie, hulle vra belangrike vrae waaraan paartjies nie dink voor die huwelik nie, wat baie konflik in die toekoms kan voorkom.

Hoekom het jul die venue gekies?

Dis ʼn nuwe venue wat nog nie baie bekend is nie en was net na die fotosessie bekend gemaak op Top Billing. Die baie stylvolle vintage elemente wat die venue besit het ons aandag getrek. Asook die tuine met die kleurvolle roos bome, aangesien meeste van die fotosessie buite geneem was, was die tuine ook een van die hoogte punte vir ons keuse.

Vertel ons van die span van Diensverskaffers en hoe hul saam gekom het om die fotosessie te skep:

Van die student is reeds deel van die trou industrie en het al met baie van die diensverskaffers gewerk en het hulle werk baie goed geken. Ons was opsoek na net die beste wat gewillig was om saam te kom aan boord om ons visie ʼn werklikheid te maak. Deur visie borde en inspirasie van die internet, e-pos en WhatsApp korrespondensie, het elke diensverskaffer meer gebied as wat ons ooit verwag het.