Ultra Violet Boheems gestileerde trou inspirasie

Paartjie wat besig is met die beplanning van hul grootdag moet tog Pers/Ultra Violet inagneming as die hoofkleur van hul troue se dekor.  Ons weet party van ons lesers krap nou hul kop en wonder hoekom ons nou so iets sal sê, maar ons belowe jou as jy klaar deur die foto’s onder geblaai het dat jy jou opinie sommer vinnig sal verander.   Ons weet met die regte elemente sal jou troue een wees wat nog lank oor gaan gepraat word deur jul gaste wat jul troue bygewoon het.  Moet nie verder huiwer nie en vind inspirasie sommer nou maklik hier onder.

Al word hierdie kleurkeuse deur baie beskou as dapper of gewaagd kan dit verseker ook die geleentheid skep vir briljante en artistiese stilering.

Ultra-Violet is aangewys as die kleur van die jaar deur PANTONE en ons glo sterk dat as pers nie jou kleur is nie hierdie fotosessie jou gaan inspireer om jou ware artistiese identiteit te vind en dalk jou idee oor pers te verander…

Terwyl baie van hierdie elemente al voorheen gebruik is, was dit beslis nog nie op hierdie manier gekombineer nie. Met ‘n tikkie vindingrykheid en verbeelding sal hierdie fotosessie beslis die weg oopbaan vir nuwe moontlikhede…

Wanneer stilering bedink en uitgevoer word met die gebruik van hierdie sterk, energie-ryke kleur moet jy beslis braaf wees en uit die boks kan dink.

Die doel van hierdie keuse was om te inspireer, ‘n bewustheid te skep en nuwe betekenis te gee aan die term “Ultra-Violet”, asook om Marlotti Farm Venue bekend te stel.

Vir die begeesterdes en die wat bereid is om kanse te waag het ons ook ‘n tikkie boheems ingebring.

Kleur-sielkundiges stel voor dat pers die kleur is van spiritualiteit, kreatiewe uitdrukking en dat dit ook geassosieer word met bewustheid.

Ons het verskeie elemente gekombineer waarmee ons gesofistikeerde, passie, drama asook ontspanne perfeksie wou oordra.

Ons het verseker die grense geskuif met hierdie uitmuntende stilering en is beslis trots om dit met jou te deel.

Dalk trou jy binnekort óf dalk is Pers beslis jou gunsteling kleur en het jy gewonder hoe jy met ‘n stylvolle plan vorendag gaan kom…

Soos julle ook weet kan so ‘n sessie glad nie plaasvind sonder ander kreatiewe medewerkers nie en stel ek julle graag voor aan almal:

Diensverskaffers