Gareth & Michelle se prettige troue

Ons deel vandag Gareth en Michelle se prettige, maar stylvolle troue met jou. Gareth en Michelle se troue gee vir jou die minimalistiese en neutrale effek, met kleurvolle elemente wat uitstaan en ʼn indruk maak. Dit is presies wat jy wil hê jou trou dekor moet doen. Dit moet nie te oor donderend wees nie, maar moet nog steeds ʼn indruk maak as jou gaste daarna kyk. Ons is mal oor die omgewing en die buitelig gevoel van die oulike paartjie se mooi troue.

Hoe het julle die eerste keer ontmoet?

Ek het by ʼn vriendin  gaan kuier en Gareth het in die selfde kompleks gebly. Later die aand het hy het gesien die ligte was nog aan  en het besluit om in te loer. Dit was die oomblik toe ek my oë nie van hom kon afhou nie en ons het tot in vroe oggend ure gesels. Twee dae later het ons op ons eerste afspraak gegaan.

Hoe het julle verloof geraak?

Dit was ʼn winderige Augustus maand en ons het besluit om Gouritsmond toe te gaan vir die naweek.  Gareth en ek het vir ʼn stappie op die strand gegaan, op pad terug na die strandhuis het Gareth my skouer gevat en toe ek om draai was hy op een knie, ek weet nie wie het meer gehuil nie, ek of hy?