Ruan & Liezel se Koraal-tema Troue

Ruan het, op een knie, langs die St Lucia meer vir Liezel gevra om te trou.  Liezel het die ringboksie in Ruan se tas gevind toe hulle vertrek het die Vrydagmiddag, maar sy het nie die boksie oopgemaak nie. Al het Liezel geweet dat hy haar daardie naweek sou vra om te trou, was die oomblik nogsteeds vir haar ongelooflik romanties.

Vir dié paartjie was die preek, konfetti, koek, die reën en die partytjie besonders. Vir Liezel was Ruan se toespraak baie spesiaal. Om die eerste keer te dans as man en vrou was vir haar ‘n onbeskryflike oomblik. Liezel se raad vir die bruid is om kalm te bly en baie tyd te gebruik om alles in te neem.  Fokus op dít wat regtig belangrik is – dat jy trou beloof aan jou lewensmaat. Maak seker julle geniet die aand saam met julle gaste soveel as moontlik. Die paartjie se troudag was gevul met liefde, pragtige versierings en samesyn.

Hoe het julle verloof geraak?

Ruan het my op een knie langs die St Lucia meer gevra om te trou op 20 Julie 2013.  Ek het die ringboksie in sy tas gevind toe ons vertrek het  die Vrydagmiddag, maar het nie die die boksie oopgemaak nie. Ek en Ruan is al vanaf ons albei 17 jaar oud is in ‘n verhouding, en het saam besluit dat ons in eers in 2013 verloof sou raak.  Al het ek geweet dat hy my daardie naweek sou vra om te trou– was die oomblik steeds vir my wonderlik romanties.

Wat het julle troudag vir jou so spesiaal gemaak?

Alles wat ons saam met ons ouers en vriende vóór die troue beplan en gemaak het en om te sien hoe dit alles bymekaar gekom het op die groot dag. Dat al ons familie en vriende gedeel het in die feesvieringe.  Die preek, die konfetti, die koek, die reën, die partytjie, Ruan se toespraak, ons eerste dans.

Raad vir ander paartjies:

Wees kalm op die groot dag.  Neem tyd om alles in te neem.  Fokus op dit wat regtig belangrik is – dat jy trou beloof aan jou lewensmaat. Maak seker julle geniet die aand saam met julle gaste so veel as moontlik!