Sumari & Rudolf se Troue

Sumari en Rudolf was al vir ‘n rukkie saam gewees toe Rudolf begin praat het oor trou. Hy het die gedagte geplant en later begin uitvis oor watter soort ring Sumari van hou. Hy het óók die inisiatief gebruik om haar vriendin te vra het of sy dalk weet waarvan Sumari hou. Sumari se vriendin het toe vir Rudolph ‘n foto gestuur van die ring wat Sumari gesien het.

Een aand, toe Sumari besig is om kos te maak en Rudolph haar weer vra oor die ring se voorkoms, het Sumari verduidelik presies wat sy wil hê. In haar kop het sy geweet dit moet iewers in die huis wees.

Rudolph het vir haar ‘n sleutel gegee en sy moes die ring soek.

Die paartjie se troue is heeltemal anders as enige van die ander troues wat ons al gepubliseer het. Die Silwer Valke het spesiaal ‘n mini lugskou vir die paartjie en hul gaste op die groot dag gedoen, dit het beide Sumari en haar Pa in trane gehad. Haar pa het spesiaal die lugskou vir die paartjie gereël.

Rudolph en Sumari se raad aan paartjies wat gaan trou is om vir mekaar altyd jammer sê en nie kwaad te gaan slaap nie. Doen gereeld dinge saam, soos oefen of toer of dít waarin julle saam belangstel, want so leer jy ook mekaar beter ken.

Dankie Kusjka du Plessis vir die pragtige foto’s.