Hein en Simandri se prettige Riebeek Wes troue. Van ʼn karaoke liedjie vir hul gaste tot ʼn lekker gesellige kuier met hul gaste. Die paartjie sou in Gauteng trou, maar die omgewing het hul harte gesteel en so het hulle besluit om te trou by die venue.
Allesverloren is die perfekte trou venue as jy ʼn lekker troue wil hou in Riebeek Wes. Dit is slegs 5-minute se ry buite Riebeek Kasteel waar daar baie oulike verblyf en restaurante is vir jou gaste. Met die venue se groen grasperke, wingerde, majestueuse bloekombome en antieke eikebome in die skilderagtige Riebeek Vallei is dit ‘n idilliese plek vir troues.
Mooi Troues het Hein en Simandri se verlowing fotosessie by Bloubergstrand gedeel en ons lesers kan hier klik om na die mooi strand verlowing fotosessie te gaan kyk.
Simandri en haar strooimeisies se hare is mooi gemaak deur Make-up & Hair by MB.
Vir ons hier by Mooi Troues om te hoor dat paartjies ons as bron van inspirasie gebruik het, is altyd lekker. Dankie Simandri en Hein vir julle lojale ondersteuning en dat julle Allesverloren ondersteun het. As jy op trou staan, blaai deur Mooi Troues vir tonne trou inspirasie en gratis advies.
Paartjie se Liefdesreis:
Soms ontmoet mens iemand op jou pad… Verkeerde tyd, maar êrens het mens net geweet daar is iets meer. Op ons skooldae by ‘n partytjie, die sexy outjie wat die dromme in die band speel loer so onderdeur sy kuif vir my. ‘N paar jaar later ‘n oproep: “Hi. Simandri dis Hein, onthou jy my nog?” Wie kon ooit daai mooi blou oë vergeet.
Kort na ons uitgaan het ons begin spaar vir drie jaar lank om op ons droom reis deur Europa te gaan. 28 Desember 2017, Duitsland, sprokiesmooi Bavarian woud toegevou in lae sneeu: Toe ek van die berg af kom op pad om te gaan slee, sien ek liggies in die donker. Die liggies word n hartjie, dis rooi kersies wat vir my flikker en ons spesiale liedjie wat in die woud tussen deur die bome vir my sing – “Sal jy met my trou?”
Sneeu, ‘n woud, wie kon vir meer vra!
Spesiale Tradisies:
Ons nou nie die tradisie tipe… Dis meer soos die Engelse se “off the cuff”, maar het darem die ou iets blou, iets geleen en iets blou ingewerk.
Die Verlowing Tydperk:
Ons was vir twee jaar verloof. Familie was in Gauteng en ons het ons harte verloor in die Kaap. So bietjie meer beplanning was nodig. Ons moet mos net anders wees! Meeste van die beplanning het ons self hanteer maar na die einde het ons ‘n gedeeltelike beplanner aangestel net vir die finale dag, dekor en kleiner besonderhede sodat daar geen druk was op die groot dag nie
Die ‘nie-so-perfek’ oomblikke:
Hul se die bruid moet laat wees… Wel ek was so bietjie baie laat.. Arme Heinrich, hy het al begin wonder of ek nog kom!
Merkwaardigste Oomblikke:
Toe ek in die Allesverloren Woud inloop ( ja lyk my ons hou van woude !) en ek letterlik die liefde uit Heinrich se oë sien straal en Hein sê natuurlik toe ons sê -(“I do”). Ons seremonie was anders… en ook vir ons onvergeetlik. Ons het ‘n karaoke liedjie vir ons gaste gesing! Ons gaste het van oral oor gekom om die dag saam met ons te vier, van Duitsland, Mpumalanga, Durban, Gauteng…. So ongelooflik spesiaal dat mense so ver gekom het om die dag vir ons so wonderlik te maak!
Finansiële Aspekte:
Die gesegde –“ trou is nie perdekoop nie” is beslis waar in meer as net een sin. Dink ‘n perd kos darem so bietjie goedkoper behalwe as hy seker ‘n regte Arabiese perd was !
Trou is maar ‘n duur storie as jy werklik al die klein goedjies wil insluit wat die dag n sprokie maak maar ons het tog n simplistiese benadering gehad van minder is meer. Stylvolle lokaal wat gemaklik is vir jou gaste beslis ‘n moet. Minder blomme spaar baie kostes. Spandeer dit eerder aan die beste kos en hoe om die dag in almal se boeke vir ewig onthou sal word.
Ons het n trou beplanner van die internet afgelaai en ons koste so beheer. Totale gaste net so oor 80 mense. Pasop maar vir die klein kostes. Hul word vinnig groot monsters. Hou maar n paar rand eenkant vir die onbeplande kostes
Vermaak:
Die deel van die troue was vir ons n baie besliste moet. Van ʼn Handwerk bier en Jenewer-kroeg tot ʼn spesiale foto stasie vir ons gaste waar hul foto’s van hulself kon neem en natuurlik in ons gaste boek kon plak Karaoke was ‘n spesiale verrassing en natuurlik na al die vonkelwyn het van die mense gesing ! Party Technician is ‘n als in een pakket vir ons geoffer!
Advies aan toekomstige bruide & bruidegomme:
Simandri – Moenie laat ander mense jul voorskryf wat om te doen. Luister na raad, kry meer as een kwotasie want as mense “trou” hoor is als duurder . Geniet dit, dis deel van die troue proses !
Heinrich – Moenie saam jou bruid jou pak gaan soek nie! En los haar en haar ma as hul gaan inkopies doen. Kan ‘n lang proses wees… !
Wittebrood:
Ons is mal oor reis, ons wil graag soveel van die wêreld sien as moontlik en het besluit om nommer een op ons emmer lys te kies vir ons wittebrood – die Maldives.
Ongelukkig het die pandemie ons planne omvêr gegooi en lyk my ons gaan slegs op ons herdenking eers wittebrood kan hou, wel hoe sê hulle? Twee vlieë in een klap.
Venue & Dekor:
Op ‘n Sondag … Bietjie gaan wyn proe en wie kan nou die pragtige Riebeek Kasteel se ou wêreld sjarme weerstaan! Van wyn proe saam met my ouers tot – ag kom ons kyk bietjie hoe lyk die trou persele … Wel ons het ons harte verloor. Die Gauteng troue word toe ‘n Kaap troue! Allesverloren – letterlik ons harte gesteel.
Ons styl – Klassiek en aards. Groen en hout natuurlik. Wie wil nou so pragtige natuurlike atmosfeer bederf met blink, goud en glas!
Eerste Dans:
Sewe jaar saam. Sewe sakke sout opgeëet saam. Ons trou liedjie nie die gewone. Dink ons keuse was n lied wat almal se hart raak… Klomp trane het geloop en ‘n paar snikke so tussen die dans deur gehoor
Brandi Carlile – The Story.
“All of these lines across my face
Tell you the story of who I am
So many stories of where I’ve been
And how I got to where I am
But these stories don’t mean anything
When you’ve got no one to tell them to
It’s true, I was made for you”
- Hare: Makeup & Hair by MB
- Fotograaf: Armadillo Media Int. Wedding Photographer & Videographer
- Blomme & Dekor: Charm and Perfection
- Fotohokkie: The Party Technician
- Grimering: Zané Burger Makeup Artistry
- Huweliksbevestiger: Ds. Attie Rall
- Trouring: Browns
- Troukoek: Shweetbakes
- Koördineerder: Charm and Perfection
- Musiek: The Party Technician
- Trourok: Robyn Roberts
- Paartjie se verblyf: 3 Walter Street Riebeek Kasteel
- Vervoer: Classic-Rides
- Videograaf: Armadillo Media Int. Wedding Photographer & Videographer
- Venue: Allesverloren Function & Conference Venue
- Huwelik kontrak: Legally Married
- Wittebrood plek: 4* Ellaidhoo Maldives by Cinnamon
