Niel & Katie se Intieme Troue in Wellington

Niel en Katie se intieme troue by Die Kalkoonde in Wellington was ’n prentjiemooi buitelug fees met net 25 gaste. Hierdie lieflike paartjie se troudag was eenvoudig asemrowend – beslis ’n inspirasie vir enigiemand wat self ’n intieme troue beplan.

Die Kalkoonde is ’n droom trou venue vir enige paartjie. Geleë in die hart van die Boland, bied dit welige tuine, ’n betowerende dam langs die onthaalarea, en skilderagtige landskappe – perfek vir daardie sprokiesagtige trou foto’s.

Katie en Niel het hulle buitelug seremonie in die versorgde tuine van Die Kalkoonde gehou. En dit was nie al nie – hulle het ook ’n prentjiemooi buitelug onthaal gehad op die houtdek, omring deur die rustige waters van die dam.

Katie het beeldskoon gelyk in haar trourok. Ons is mal oor die elegante snit en die fyn detail op die moulose bolyf. Die rok het sag en stylvol na onder gevloei – net soos ’n droom. Niel het ewe netjies gelyk in sy ligte troupak – perfek gepas by die atmosfeer van hul buitelug troue.

Die sagte oranje gloed van die sonsondergang, die landerye en berge in die verte, het ’n romantiese agtergrond geskep vir die fotosessie.

Houttafels met goue Tiffany-stoele, elk met ses gaste, is stylvol skuins geposisioneer op die houtdek. ’n Wit canvas oordekking het gaste teen die son beskerm en ekstra gemak verseker. Goue eetgerei, rottang plekmatjies, en sagte groen kleure op die tafels het perfek saamgesmelt om ’n rustige, natuurlike atmosfeer te skep. Kerse het later ’n sagte, romantiese kerslig gegooi toe die son begin sak het.

Rol af om meer te lees oor Niel en Katie se liefdesreis en om al die mooi foto’s van hul spesiale dag te sien.

Trourok:

Die bruid se rok is ŉ bandlose A-lyn rok met ŉ hartvormige halslyn met ŉ noupassende lyfie en versier met kant-applikasies in ŉ blompatroon wat effens oor die bokant van die romp strek. Die romp is van liggewig tule gemaak, wat ŉ sagte en vloeiende silhoeët skep. Hierdie rok het ŉ lang sleep wat agter haar uitstrek, en sy dra ŉ deursigtige, vloeiende sluier. Die kantdetail op die lyfie is fyn, terwyl die romp eenvoudig en lig is.

Meer oor Die Kalkoonde:

Die Kalkoonde, net buite Wellington, is ’n pragtige trouvenue in die hart van die Boland. Met welige tuine, ’n skilderagtige dam en ’n stylvolle, gerestoureerde lokaal, bied dit die perfekte atmosfeer vir ’n intieme troue. Seremonies kan buite op die dek of in die elegante amfiteater plaasvind, met ’n binne-opsie as dit reën.

Elke troue kry eksklusiewe toegang tot die perseel en word met sorg beplan deur hul toegewyde troukoördineerder. Van blomme tot kos – alles word professioneel hanteer.

Spyseniering wissel van gemaklik tot elegant, met plaas-tot-tafel disse wat jul gaste sal verras. Kontak Die Kalkoonde en begin beplan aan ’n onvergeetlike troudag te midde van die Boland se rustige skoonheid.

Paartjie se Verlowing:

Ons het ŉ plekkie gekry in Cellar (Beuld) in Robertson vir die aand met twee van ons naaste vriende, het haar toe na ŉ buite gang toe gevat met rye bome en daar gevra om te trou.

Verloof- en Trouringe:

Die verloofring het ŉ solitêre setting met ŉ groot, ronde middelsteen wat beide kante deur kleiner diamante geflankeer. Die ring is van witgoud gemaak.

Troupand is ŉ eenvoudige band met ŉ ry klein diamante. Die band is van witgoud gemaak.

Trou Dekor en Styl:

Ons wou gaan vir iets wat natuurlik lyk, dalk effens minimalisties en nie iets te formeel is nie. Dis tog buite op die water gewees. Ons het dan die koper/brons in gebring vir ŉ bietjie tekstuur, maar weereens minimalisties. Ons wou voel ons is in die natuur en wou gehad het die dekor moet dit komplimenteer en nie oorneem nie.

Trou Begroting en Beplanning:

Hulle het hul troue oor ’n tydperk van tien maande beplan, met die hulp van ’n professionele troubeplanner, en die intieme geleentheid is saam met 25 spesiale gaste gevier.