Eksentrieke Romantiese Strandmeer Trou Inspirasie

Wow! Ons is ongelooflik opgewonde om die Eksentrieke Romantiese Strandmeer Trou Inspirasie fotosessie met Mooi Troues se lesers te deel. Daar is iets magies wanneer ŉ groep Magic Makers bymekaar kom om iets betowerend te skep.

ŉ Span professionele trou diensverskaffers van die pragtige Plettenbergbaai het saamgewerk om hierdie dromerige fotosessie ŉ realiteit te maak. Plettenbergbaai is ŉ prentjie mooi bestemming met asemrowende landskappe. Dit is nie net ŉ gunsteling vakansieplek vir plaaslike en internasionale toeriste nie, maar ook ŉ top trou bestemming.

Hierdie fotosessie het soveel lieflike elemente. Die rustige skoonheid van die strandmeer en die romantiese pienk lug wat oor die fotosessie gehang het, was eenvoudig besonders. Wie het gesê mens kan nie ŉ intieme troue in die water hê nie? Dit mag dalk ekstra reëlings en spesiale toestemmings vereis, maar alles is moontlik!

Ons is verlief op hierdie fotosessie. Dit bied hope inspirasie vir paartjies wat beplan om te trou. Daar was ŉ bootjie omskep in ŉ oase van blomme en plante wat noukeurig geplaas is om pragtige foto’s te maak. Die model se rok was eenvoudig, modern en ongelooflik mooi.

Die trou tafel, omring deur water, het ŉ elegante, minimalistiese dekor met subtiele kleur aksente in die kos, drankies en groenigheid. Kerse het ŉ warm en romantiese atmosfeer geskep. Die drie laag troukoek was ŉ fokuspunt op sy eie!

Rol af om meer van hierdie pragtige fotosessie te sien en hope inspirasie vir jou troue te kry.

Wie het die fotosessie gereël?

House of Gather – Geleentheid Beplanners | Bestuur | Stilering | Dekor Verhurings | Bloemiste

House of Gather is gegrond in die pragtige Tuinroete, met Plettenbergbaai as ons geliefde tuiste. Ons is ongelooflik passievol oor ons bedryf en elke aspek daarvan. Gestileerde fotosessies bied ons die perfekte kans om ons unieke talente en kreatiwiteit ten toon te stel. Hierdie spesifieke fotosessie het ontstaan uit ŉ inspirerende gesprek met ons gunsteling trou fotograaf, Sharyn Hodges. Net vir die pure plesier en vreugde van die kuns!

Inspirasie agter die fotosessie:

Die absolute skoonheid van Plettenbergbaai! Plett is nie net ŉ plek nie, dis ŉ gevoel! Die laaste uur voor sonsondergang en die eerste uur ná sonsopkoms is besonder spesiaal en word deur professionele fotograwe gesog. Bekend as “die goue uur” of “magiese uur”, bied hierdie tye die perfekte lig om asemrowende foto’s vas te vang. Voeg nou maar “The Magic Makers” by. Jy kan dit net in ŉ foto probeer vasvang, en ek dink ons het regtig naby gekom om die magie van hierdie oomblikke te verewig.

Hoekom is die span diensverskaffers gekies om saam te werk?

Ons is werklik ŉ klomp MAGIC makers in ons klein dorpie. Dit verg ŉ gemeenskap van ongelooflike kreatiewe siele en gelukkige harte om só ŉ visie tot lewe te bring. Met ŉ vrouespan wat almal sulke uitstekende reputasies in die bedryf het, was dit ŉ maklike keuse!

Agter die skerms van die fotosessie:

Plettenbergbaai het mal onvoorspelbare weer ervaar, en ons moes ŉ paar keer uitstel. Ons het soggens om 06:00 begin opstel om betyds te wees vir daardie perfekte sonsopkoms oomblik! Dit was epic! Geen wind en ŉ bewolkte lug het die fotosessie selfs langer en nog meer magies gemaak.

Merkwaardigste deel van die fotosessie:

Ons bruids-model was ongelooflik en gereed vir elke uitspattige idee. Ons boot het ŉ paar keer afgedryf, en die assistent-fotograaf moes swem in die ysige winterwater om ons model en boot te gaan haal. Wat ŉ rockster-span het ons gehad!

Dekor:

Ons het regtig gefokus op die rustige skoonheid van die strandmeer en die romantiese pienk lug. Met ou wêreld elemente soos kristal en pêrels, het ons romantiese en luukse elemente ten toon gestel, met ŉ moderne kinkel.

Kleurskema:

Die kleure is absoluut geïnspireer deur die strandmeer tydens sonsopkoms. Ons wou niks wegneem van die natuurlike omgewing nie, net probeer om die skoonheid daarvan te pas en te beklemtoon.

Venue en Ligging:

Ons wil iets anders doen. Iets wilds en wonderliks. Soms kan plekke kreatiwiteit beperk, maar op hierdie plek was die moontlikhede eindeloos!

Trourok:

Ons model het haar trourok gedra wat sy vroeër vanjaar in Februarie aangehad het. Dit is ŉ vintage rok wat perfek pas by Annie se asemrowende lyf.

Advies aan toekomstige paartjies wat troue beplan:

Die Tuinroete bied die mees asemrowende venues vir sulke spesiale oomblikke. Met hierdie sagte elemente kan jy eenvoudig nie verkeerd gaan nie. Deur pragtige moderne en klassieke style te kombineer, voeg jy ŉ unieke, persoonlike aanraking by jou voorkoms. Die pienk lug is werklik die grens van wat moontlik is!