Verskuil teen die hange van die Paarlberg lê Belair, ’n elegante tuinlandgoed waar pragtige tuine, glas-argitektuur en asemrowende berguitsigte saamkom om ’n werklik onvergeetlike trou-ervaring te skep.

Die kontemporêre glaspaviljoen, met sitplek vir tot 200 gaste, is bekend as een van Suid-Afrika se mees betowerende tuin-trouvenues. Die elegante staal-en-glas struktuur word omraam deur welige sterjasmyn wat in laat Oktober en November pragtig blom. Met glasdeure wat reg rondom oopskuif, vloei die ontvangsruimte moeiteloos uit na die omliggende tuine, waar die natuurskoon deel word van elke viering.

Voor die paviljoen strek terrasvormige grasperke wat ’n pragtige ruimte skep vir gaste om drankies te geniet met ononderbroke uitsigte oor die Simonsberg-bergreeks.
Belair se se kenmerkende romantiese tuin-kapel wat met jasmyn en klimop bedek, kan sitplek vir tot 180 gaste bied. Vir groter vieringe bied Belair twee addisionele buitelug-seremonieruimtes: die intieme Waterpeerboom-tuin onder gevestigde bome, en die indrukwekkende Simonsberg-uitkykpunt met panoramiese berguitsigte en ’n elegante refleksiepoel.

Wanneer die son sak, neem die viering nuwe lewe aan op die agterstoep, waar feestoon- en sprokiesliggies, ’n knus vuurput en ’n ooplug-dansvloer ’n romantiese atmosfeer skep vir vieringe onder die sterre.

Verblyf word voorsien by die Belair Country House, wat tot 43 gaste (36 volwassenes en 7 kinders) in 20 bekoorlike gastekamers kan akkommodeer. Ingesluit by die akkommodasie paket is ’n wonderlike plaasontbyt vir alle oornaggaste wat bedien word by die geliefde Goatshed Restaurant op die naburige Fairview-wynlandgoed.

Met beeldskone tuine, refleksiepoele, ’n volskaalse labirint en asemrowende berguitsigte bied Belair ’n unieke tuin-trouvenue in die hart van die Kaapse Wynlande. Hier, tussen pragtige tuine en asemrowende uitsigte, is elke viering moeiteloos elegant en onvergeetlik.

Hoogtepunte

• Ligging: Paarl, Kaapse Wynlande – ±45 minute vanaf Kaapstad
• Kapasiteit: 180-200 gaste
• Spyseniering: “Self-Catering” spysenier vanaf ons lys van goedgekeurde diensverskaffer
• Keurig Versorgde Tuine
• 3 Seremonie-opsies: Kweekhuis Tuin Kapel, Waterpeerboom Tuin of Simonsberg Uitkykpunt
• Ontvangs: Kontemporêre staal-en-glas paviljoen
• Verblyf: Belair Country House: tot 43 gaste
• Uitsigte: Panoramiese uitsigte oor die Simonsberg.

Klik hier vir hul pakette.

Geen resensies op die oomblik nie.