Le-Daan & Ronette se oulike verlowing fotosessie

Ons wil net vir Le-Daan en Ronette baie geluk se met hulle troue die naweek wat verby is {29ste June 2013}.  Hulle verlowing fotosessie is so mooi-die ballonne en area waar hulle geneem het is net pragtig.

Die fotosessie gee ʼn prettige plaas gevoel. Ons kan sien dat Le-Daan en Ronette baie gemaklik voor die kamera was en hulle het beslis elke oomblik van hulle verlowing fotosessie geniet.

Mooi Troues se lesers moet afrol en inspirasie vind uit die oulike paartjie se verlowing fotosessie.

Hoe het julle ontmoet?

Ons het mekaar ongeveer 5 jaar terug ontmoet by ʼn braai wat gereël was deur vriende, maar ons altwee was in ander verhoudings.  Ons het vriende geword, maar baie min saam gekuier.  In 2011, toe ons altwee alleenlopers was, het ons mekaar beter leer ken en meer begin saam kuier.  Ek het toe vir Le-Daan gevra, wanneer is dit “take your friend to work day”, en heel toevallig moes hy Hermanus toe vir werk, en hy het my saam genooi.  Die liefde het toe van daar af net geblom.

Hoe het hy/sy jou gevra om te trou?

Op my verjaarsdag het Le-Daan ʼn groot ontbyt gemaak met vonkelwyn en gebakte muffins.  Op die tafel was daar ʼn groot geskenk boks.  Ek kon nie wag tot na die ontbyt nie, en het heel eerste die boks oopgemaak.  Daar was klomp “tissue paper” in die boks en heelbo was ʼn mooi beursie.  Ek was ʼn klein bietjie teleurgesteld, aangesien ek vir hom ʼn GPS gekoop het vir sy verjaarsdag.  Hy het toe gesê, hy dink daar is nog ietsie binne die boks.  Heel onder, was daar ʼn klein boksie, en my hart het erg begin klop.  Toe ek die klein boksie oopmaak, toe vra hy my die groot vraag … En my antwoord was onmiddellik JA.

Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.

Is jy ‘n diensverskaffer wat op Mooi Troues wil adverteer? Klik hier vir ons advertensie kostes.

Artikel Diensverskaffers:

• Fotograaf: Adele Kloppers