12 Stap Trou Beplanning Advies Reeks se Artikel 7

Mooi Troues se lesers kan ons 12-stap trou beplanning advies reeks volg wat maandeliks op Mooi Troues gepubliseer word. In hierdie artikels deel ons elke maand ’n praktiese lys van dinge waaraan julle aandag moet gee. Deur die trou beplanning in kleiner stappe op te breek, raak die proses baie meer hanteerbaar en minder oorweldigend.

Om ’n troue te beplan kan stresvol wees, veral as julle ’n selfdoen troue wil aanpak. Met hierdie opvolg reeks help Mooi Troues julle om die proses meer georganiseerd en ontspanne te maak. Klik hier vir meer trou inspirasie en advies artikels.

In ons vorige artikel het ons die sesde stap van ons twaalf maande trou beplanning aftiklys bespreek. Teen hierdie tyd behoort die meeste van julle belangrike diensverskaffers al bespreek te wees en die beplanning behoort nou mooi momentum te kry.

As julle nog nie al die punte van die vorige artikels afgehandel het nie, moet nie bekommerd wees nie. Werk rustig teen julle eie tempo. Hierdie reeks is slegs ’n riglyn vir trou beplanning, sodat julle genoeg tyd het om alles sonder onnodige stres te organiseer.

Vir ons sewende artikel van die 12-stap trou beplanning advies reeks, rol af.

Wat jul teen die tyd moes gedoen het:

As julle nog nie begin beplan het nie, moenie stres nie. Daar is nog genoeg tyd. Dit beteken net julle gaan meer fokus moet plaas op die volgende paar maande van julle trou beplanning proses.

Onder is ’n riglyn van wat min of meer teen hierdie stadium afgehandel behoort te wees indien julle ons 12-stap reeks volg:

Die begroting moet nou al gefinaliseer wees.
Die troudatum moet bevestig wees.
Die trou venue moet bespreek wees en die deposito betaal wees.
Belangrike trou diensverskaffers moet bespreek wees.
Fotograwe en videograwe moet bevestig wees.
’n Duidelike dekor styl en trou konsep moet gekies wees.
Jul trou versekering moet in plek wees.
Die gastelys van buitelandse gaste moet gefinaliseer wees.
Trourok keuses moet gefinaliseer wees.
Die bruidegom se pak moet besluit wees.
Seremonie besonderhede moet bespreek wees.
Jul huweliksbevestiger moet ontmoet wees.
Platejoggie, klank en musiek moet bespreek wees.
Verblyf opsies moet gefinaliseer wees.
’n Kortlys van dekor items moet opgestel wees.
Die troukoek moet amper gefinaliseer wees.
Jul wittebrood moet reeds begin beplan wees.
Repetisie aandete planne moet begin vorm aanneem.
Jul trou skryfbehoefte ontwerper moet bespreek wees.
Spaar die datum kaartjies moet reeds uitgestuur wees.
Grimering en haarstilis moet bespreek wees.
’n Lys van aktiwiteite vir buitelandse gaste moet gereed wees.
Jul verlowing fotosessie moet bevestig wees.
Vervoer vir trou gaste moet bespreek wees.
Jul danslesse moet reeds begin het.
’n Musieklys vir die troudag moet saamgestel word.

Finaliseer trou skryfbehoefte ontwerpe:

Teen hierdie stadium behoort julle nou die ontwerpe van jul trou skryfbehoeftes te begin finaliseer. Dit sluit items in soos spyskaarte, sitplekkaartjies, naamkaartjies, tafelnommers, rigtingborde en ander stylvolle trou dekor elemente wat by die onthaal gebruik word.

Professionele trou skryfbehoefte ontwerpers raak vinnig vol bespreek gedurende die besige trou seisoen. Bevestig daarom so gou moontlik die ontwerper wat julle wil gebruik.

Daar is verskeie elemente wat in ag geneem moet word tydens die ontwerpproses. Dink aan die kleurskema, uitleg, lettertipes, illustrasies en die inligting wat op elke item verskyn. Hierdie klein detail dra baie by tot die algehele styl van julle elegante onthaal.

Wanneer julle byvoorbeeld jul spyskaarte laat ontwerp, maak seker dat die spyskaart reeds gefinaliseer is by die spysenier. Kontroleer ook die spelling van die disse en beskrywings baie noukeurig.

Wanneer julle die finale proef van jul skryfbehoeftes ontvang, lees alles deeglik deur voordat julle dit goedkeur. Dit help om duur drukfoute te voorkom.

Finaliseer spyseniering:

Teen hierdie tyd behoort julle reeds die geleentheid gehad het om jul trou spyskaart te proe. Dit is nou die perfekte tyd om die finale disse saam met jul spysenier te bevestig.

Selfs al is die spyseniering deel van jul trou venue se pakket, moet julle steeds seker maak julle weet presies watter disse, bygeregte en nageregte op die spyskaart gaan wees.

Die kos is ’n groot deel van die gaste-ervaring by enige troue. Neem dus die tyd om seker te maak die disse pas by julle styl, begroting en die tipe elegante onthaal wat julle wil skep.

Paspoorte en Visas:

Indien julle beplan om oorsee te reis vir julle wittebrood, maak seker julle paspoorte is nog vir minstens ses maande geldig vanaf die datum van reis.

As ’n paspoort verval het of binnekort verval, is dit nou die tyd om aansoek te doen vir ’n nuwe een by Binnelandse Sake. Dit sal help om onnodige stres later te vermy.

Wanneer julle na ’n internasionale bestemming reis, moet julle ook uitvind of ’n visa benodig word. Begin vroeg om die nodige dokumentasie bymekaar te kry en doen die aansoek betyds.

Finaliseer die troukoek:

Teen hierdie tyd behoort julle al ’n goeie idee te hê van watter styl troukoek julle graag wil hê. Indien julle nog nie verskillende koekmakers besoek het vir proe sessies nie, is dit nou die ideale tyd om dit te doen.

Kies ’n koekmaker wie se styl en geure by julle trou inspirasie en dekor konsep pas. Die troukoek is dikwels een van die fokuspunte in die onthaal lokaal en dra by tot die visuele styl van die dag.

Hou ook in gedagte dat baie professionele koekbakkers ’n konsultasie- of proe fooi vra vir koekproe sessies. Begroot dus daarvoor wanneer julle jul finale besluit neem.

’n Pragtige en smaakvolle troukoek sal altyd ’n hoogtepunt by die onthaal wees en iets wat gaste lank sal onthou.