Frans en Alisha se romantiese piekniek verlowings fotosessie langs die dam, omring deur die pragtige groenigheid van die natuurskoon, is iets wat julle nie wil misloop nie. Die paartjie se verlowings fotos is werklik prentjiemooi. Alisha se helder rokkie en Frans se donker hemp en broek skep die perfekte kontras vir hul romantiese fotosessie.
ʼn Verlowings fotosessie bied meer as net pragtige foto geheue. Die foto’s is veelsydig en kan gebruik word vir herinneringe in ʼn fotoalbum, om teen die huis se mure te hang, of selfs vir die paartjie se trou-uitnodigings of trou-webwerf.
Dit is ook ʼn uitstekende geleentheid om julle troufotograaf beter te leer ken, sodat julle meer ontspanne is op julle troudag. ʼn Verlowings fotosessie dien as goeie voorbereiding, aangesien dit julle help om meer gemaklik voor die kamera te voel en minder gespanne te wees wanneer die groot dag aanbreek.
Elke foto van Frans en Alisha se sessie is uniek en vol betekenis. Die sagte lig dra by tot die romantiese atmosfeer, terwyl die piekniekmandjie en kombers ʼn speelse element toevoeg. En wat is ʼn verlowingsfotosessie sonder ʼn glasie vonkelwyn?
Beplan julle troue? Besoek gerus Mooi Troues se Trougids vir betroubare en professionele trou diensverskaffers. Blaai af om meer te lees oor Frans en Alisha se liefdesreis en hul oulike piekniek-verlowingsfotosessie.
Die paadjie wat gelei het tot die verlowing:
Alles het begin met ʼn eenvoudige boodskap. Ons het mekaar aanlyn ontmoet en dadelik begin gesels, maar dit was ons eerste oproep wat alles verander het. Van die oomblik wat ons gepraat het, was daar ʼn onmiskenbare verbinding—een wat met elke gesprek dieper geword het. Ons het ure lank gesels oor God, die lewe en die waardes wat ons albei koester, en besef hoe pragtig ons harte ooreenstem.
Lag was ook deel van ons reis. Ons het mekaar vermaak met raaisels en speels meegeding om te sien wie die meeste kon oplos. Maar al het ons soveel vreugde in hierdie oomblikke gevind, was die langafstand tussen ons nie maklik nie. Sy was in Pretoria en ek in Phalaborwa, en elke kilometer tussen ons het soos ʼn verlange gevoel.
Die begin van tydlose liefde:
Toe breek die dag aan waarop ek uiteindelik na haar toe ry om haar vir die eerste keer te sien. Ek was opgewonde, maar ook ʼn bietjie senuweeagtig. Tog, toe ek haar sien, het alles reg gevoel. Daardie naweek was kosbaar —ons het saam gestap, met haar hond Ozzy gespeel en diep gesprekke gevoer oor dinge wat vir ons belangrik was. Ons het gepraat oor ons drome, ons hoop en die tipe liefde wat ons wou bou. En toe die naweek eindig, was een ding seker—ons liefde vir mekaar het net sterker geword.
ʼn Paar weke later het ek besluit om ons volgende stap spesiaal te maak. Ek het vyf raaisels opgestel, elkeen ʼn leidraad wat haar nader aan ʼn oomblik gelei het wat ek met opgewondenheid beplan het—die aand wat ek haar sou vra om myne te wees. Toe daardie aand aanbreek, het sy al die antwoorde gehad, en ek ook.
Van daardie oomblik af het ons elke sekonde saam gekoester en ʼn liefde gebou wat bestem gevoel het. Net 7 weke later het ek op een knie gegaan en haar gevra om vir altyd myne te wees. En met ʼn hart vol liefde het sy ja gesê.
Die groot vraag:
Alhoewel ons oor ons verlowing gepraat het, wou ek die oomblik ʼn verrassing maak—iets wat werklik spesiaal en betekenisvol vir ons sou wees. Van die begin van ons liefdesverhaal af was poësie ons manier om uit te druk wat woorde alleen nie kon vasvang nie. Toe die tyd aanbreek, het ek geweet ek moes ons liefde in ʼn storie weef wat sy kon volg.
Ek het vir haar ʼn skattejag geskryf, ʼn reis gelei deur die gedigte wat ons vir mekaar geskryf het. Elke leidraad het haar nader gebring aan die oomblik wat ons lewens vir altyd sou verander. Die eindbestemming? ʼn Pragtig voorbereide piekniek in die hart van die Pretoria Botaniese Tuine, waar ek en ʼn fotograaf met opgewondenheid op haar gewag het.
Met elke stap het sy die pad van ons liefde gevolg, en toe sy daar aankom, het ek voor haar gekniel, gereed om die belangrikste vraag van my lewe te vra. Op 27 Oktober, onder die fluisterende bome en sagte goue lig, het sy ja gesê.
Niks hiervan sou moontlik gewees het sonder die hulp van my niggie Chantel nie, wat gehelp het om die piekniek op te stel en seker te maak dat alles perfek is vir die oomblik wat ons vir altyd sal koester.
Hoekom ons mekaar liefhet:
Ek hou baie van haar sagte omgee hart wat vol passie is vir die lewe. Natuurlik is ek mal oor haar groen-grys oë en haar dimpel glimlag. Sy is baie mooi vir my.
Tydperk voordat die knoop deurgehak word:
Vier maande
Die verloofring:
Ons het dit saam gekies. Die rede waarom ons hierdie ring gekies het, gaan veel dieper as net sy skoonheid—dit dra ʼn diep betekenis wat ooreenstem met wat ons glo oor liefde en die huwelik. Ons glo in verbondsverhoudings, en toe ons ʼn ring ontdek wat juis hierdie beginsel verteenwoordig, het ons geweet dit is die een.
Wat dit nog meer spesiaal maak, is die versteekte diamant aan die binnekant van die ring, saam met ʼn “C” wat staan vir verbond. Dit is ʼn naam wat uit bestemming gebore is en die heilige belofte van die huwelik simboliseer. Die storie agter Louie Daniele, die handelsmerk wat ons gekies het, het ook met ons hartsbegeerte geresonreer—die broers Louis en Daniel wat met ʼn passie en toewyding pragtige bruidjuwele ontwerp om verbondshuwelike te eer.
Bekend vir hul uitmuntendheid en uitsonderlike ontwerpstyl, is The House of LOUIE DANIELE passievol oor diamante en persoonlike juweliersware. Hul leuse, “Making Jewellery Personal,” weerspieël hul geloof dat elke liefdesverhaal uniek is—net soos geen twee vroue dieselfde is nie, behoort geen twee ringe dieselfde te wees nie.
Hulle glo dat “Die perfekte ring bestaan slegs wanneer dit met jou, vir jou gemaak word.” Hierdie filosofie het ons keuse maklik gemaak, want ons het geweet die simbool van ons liefde is met doel en betekenis geskep.
Rede vir die verlowing fotosessie:
Ons wou graag ʼn herinnering hê oor die dag en wou dit graag hê vir die huis en ons trou uitnodigings.
Inspirasie agter die verlowing fotosessie:
Ons wou graag in die natuur fotos neem omdat ons altwee hou van die natuur en buite lewe. Dit is ook waar ons kan stil word en rus om God se stem te hoor.
Verwagtinge en vrese vir die verlowing tydperk :
Ons verwagtinge is om nader aan mekaar te groei soos ons nuwe dinge saam aanpak en leer. Ons het baie wat voorlê en wil graag elke geleentheid aan gryp.
Visie vir droomtroue:
Ons droom troue sal wees om almal wat deel van ons lewens is daar te kan hê. Mense en verhoudings is vir ons baie belangrik en sal meer waardeer as is ʼn “glamorous” troue. Ons het toe daarop besluit om ʼn klein Kaapse troue the hê in middel van Pretoria. Ons het ʼn trou beplanner wat ons help om hierdie dag kosbaar te maak.
- Fotograaf: Julian van Niekerk Photography | Kontak
- Fotosessie Ligging: Wild African Adventures | Kontak
- Grimering: Janie Knoetze Makeup Artistry| Kontak
- Hare: Janie Knoetze Makeup Artistry| Kontak
- Verloofring: LOUIE DANIELE Diamond Co.| Kontak
