Wilde blomme is pragtig gestileerde trou inspirasie

Mooi Troues deel graag met ons lesers ʼn gestileerde trou inspirasie vir diegene wat iets anders vir hul troue wil doen.  ʼn Groep kreatiewe trou diensverskaffers het bymekaar gekom en vir Mooi Troues se lesers dié mooi konsep bymekaar gesit.  Hulle advies vir toekomstige bruide is om eenvoudige net te doen wat jy wil vir jou troudag.  Rol af en word geïnspireer deur dié pragtige gestileerde trou inspirasie.

Wie het die fotosessie gereël?

Trisha van PoemBox Creative Studio + Chantelle van WILD Flowers & Décor

Inspirasie vir die fotosessie?

Ons wou graag bietjie ietsie anders doen en wilde blomme was al lank op ons lysie van “Moet doen gestileerde fotosessie.”  Chantelle het toevallig haar nuwe blomme besigheid begin en toe besluit ons dat ons gaan voortgaan met die wilde blom tema.

Hoekom is die span diensverskaffers gekies om saam te werk?

Party van ons het al voorheen saamgewerk en ons het gesien hoe goed dit werk.  Ons het toe besluit om weer saam te werk, maar om dit nogsteeds intiem te hou.  Elkeen van hierdie diens verskaffers is fenomenaal in wat hulle doen.

Wat was vir jou die spesiaalste deel van die fotosessie?

Ek as fotograaf het dit baie geniet om met ons modelle te werk.  Hulle het so mooi saam gewerk en regtig hard probeer om my kreatiewe visie te bevredig.

Agter die skerms inligting

Daar was regtig nie enige probleme gewees op die dag of voor die tyd tydens beplanning nie.  Soos voorheen genoem, wou ons die gestileerde baie intiem maar klassiek hou en dit het gewerk.

Advies wat aan paartjies gegee kan word wat die inspirasie wil volg?

Mens hoef nie altyd te groot te gaan om iets pragtig te skep nie.  Wees jouself en doen wat jy wil doen, moet nie laat ander mense vir jou se wat om te doen nie.  As jy ‘n turkooise troukoek wil hê, gaan vir dit.  As jy ‘n swart trourok wil hê, doen dit, want dit is jou dag.