Leeftijd Spyseniering is die sielsroeping van Belia King, ʼn passievolle spysenier wat haar besigheid benoem het ter ere van die leeftyd van herinneringe wat sy langs die etenstafel opgebou het saam met familie en vriende. Haar gesogte span was voorheen bekend as Belia King Catering, en het sedert 2018 die kulinêre agtergrond geskilder vir tallose troues, partytjies, korporatiewe funksies en privaat geleenthede in en om die Wes Kaap.

Belia was nog altyd ʼn entoesiastiese lekkerbek met ʼn voorliefde en waardering vir vars, seisoenale bestanddele, en die vreugde wat gepaard gaan daarmee om mense om ʼn tafel saam te snoer oor ʼn mooi maaltyd. Sy het met die reuk van suurlemoen, knoffel en vars kruie uit haar klein tuintjie aan haar hande haarself leer kook, en toe die wonderlike geleentheid gehad om haar vaardighede te gaan slyp by die Silwood School of Cookery.

As Suid-Afrika se oudste en mees bekroonde kookskool, bied Silwood ʼn Cordons Bleus-sertifikaatkursus aan – ʼn innoverende sjef-opleidingskursus wat vir byna 60 jaar tot die hoogste vlak ontwikkel is. Die aanleer van hierdie nuwe vaardighede en tegnieke het Belia van onskatbare ondervinding verskaf en haar geïnspireer om die deure na haar spyseniering-maatskappy oop te maak.

Vandag is Belia bekend as ʼn selfversekerde, kreatiewe spysenier wat groot en klein geleenthede met dieselfde onverpoosde toewyding hanteer, en nooit uit die oog verloor dat elke bestanddeel vir homself moet praat nie. Sy vind groot bevrediging daarin om haar kliënt se visie vir hul geleenthede in die lewe te roep en ʼn spyskaart saam te stel wat al hul mees geliefde kosse en geure weerspieël.

Jou geleentheid se kos moet nooit ’n nagedagte wees nie – dit moet die goue lint wees wat die hele ervaring op ’n onvergeetlike manier saambind. Laat Belia van Leeftijd Spyseniering vir jou wys hoe mooi dit kan wees.

Geen resensies op die oomblik nie.