Laventel geïnspireerde skryfbehoeftes

Ons deel vandag met jou die mooiste Laventel geïnspireerde skryfbehoeftes stel wat Watercolour Heart ontwerp het.  Mens kan jouself nie help om laventel te ruik as jy dit sien nie.  Hierdie oulike skryfbehoeftes stel sal perfek wees vir ‘n paartjie wat hou van die natuur of moontlik in die platteland of op ‘n plaas gaan trou.  Dit is presies waaraan ons dink as ons hierdie oulike stel sien.  Wat die skryfbehoeftes nog meer interessant maak is die feit dat alles met die hand geverf is en daar leidrade is van wat jy min of meer kan verwag by die paartjie se troue.  Dit is nogal ‘n goeie idee vir jou skryfbehoeftes.  Gee jou gaste net genoeg om opgewonde te raak voor, sonder om alles voor die tyd weg te gee.  ‘n Goeie idee sal wees om ‘n paar gedroogde laventelbos blare in die koevert saam met jou uitnodigings te sit, sodat jou gaste die reuk van laventel kry as hulle die uitnodiging lees.

Artikel Krediet: