Heinrich & Monique se rustieke troue

Mooi Troues hou baie van die fotos onder met Heinrich en Monique wat staan voor die Bougainvillea rank plante.  So algemene plant maak seker vir ‘n baie mooi agtergrond.  Alhoewel die paartjie gegaan het met ‘n Rustieke tema vir hul troue het dit ‘n moderne kinkel met die tafels wat geen tafeldoeke op het nie en die mooi hout van die tafels wys en die tafels is versier met ‘n fyn kant loper en die blomme was Proteas.  Die feë liggies het ook gesorg vir warm atmosfeer.



Hoe het julle ontmoet?

Heinrich is een van my beste vriendinne se broer en ons het in 2006 ontmoet. Ons het die aand op sy verjaarsdag gebraai toe sy suster ons voorgestel het aanmekaar.  Ek het vir haar gesê ek hou van hom maar ons was nog jonk en dit was my vriendin se broer.  Ek het geglo as ons volgens die Here se wil moet saam wees sal dit op die regte tyd kom.  Ons albei was genooi vir n makietie in November 2011, toe ons die aand afskop en mekaar weer sien het ons albei breed geglimlag soos toe ons mekaar vir die eerste keer ontmoet het.  Ons het mekaar nog beter leer ken en vandag is ons getroud.  Ons is baie dieselfde, maar in soveel woorde ook baie verskillend.  Ons is albei opreg en eerlik en ons weet altyd waar ons met mekaar staan.  Ons is albei getrou in ons liefde en vertrou met ons harte! Ons liefdevolle persoonlikhede en passie vir liefde het ons beslis nader aan mekaar gebring. Ons is albei hardwerkend en wil vir mekaar net die beste in die lewe gee.



Wat was die inspirasie vir die tema van die troue?

Ons het gegaan met ‘n rustieke tema, omdat beide van ons plat op die aarde is en ons albei is gemaklike mense.  Ons is lief vir die natuur en dit het ons ook as inspirasie gebruik. Ons kon nie n beter tema kies wat sonder woorde ons harte op so n mooi manier kon beskryf het nie.



Was julle met wittebrood?

Ja, ons was Thailand toe vir 3 weke.  Dit was beide van ons se eerste keer oorsee.  Ek kan n boek skryf oor al die ongelooflike ervaring as man en vrou, maar vir eers hou ek dit kort en kragtig.  Ons het 6 eilande/strande besoek.  Waar ons op elke eiland iets nuuts van mekaar geleer het. Ons was eers in die stad van Phuket en daarna het ons  in Phatong gebly wat ook in Phuket is, baie mooi en baie besig met die meeste stalletjies wat ek al op straat gesien het.  Daarna is ons Phi Phi Island toe, dit is baie klein maar een van die mooiste eilande ooit, ons het die scuba duik baie geniet! Daarna was ons in Phangan waar ons in die mooiste oord gebly het.  Ons is Koh Samui toe na Phangan en ons het ongelooflik lekker daar gekuier, ons het vriende en familie wat daar bly  so kon tyd saam hulle ook spandeer. Bangkok was ons laaste stop, dit was vir my baie besig en hul kultuur is uitdagend, maar dit tog ook baie geniet!



Wat sou jul verander het as jul kon?

Op die wittebrood, sou ons miskien die vervoer tussen die eilande van pont verander het na vliegtuig.



Advies wat julle aan ander paartjies kan gee?

Leer om te deel, waardeer en altyd mekaar in ag te neem.  Moet nooit kwaad gaan slaap nie en maak tyd vir mekaar.  Mens is geneig om almal gelukkig te hou, maar vergeet om jouself gelukkig te maak. Sien die mooi in mekaar en herinner mekaar soms dat jy dankbaar is vir alles wat jy het.  Wees geduldig ongeag of dit n slegte dag of goeie dag is.  Jy kan nie ‘n goeie dag met ‘n slegte houding hê nie en jy kan nie ‘n slegte dag met ‘n goeie gesindheid hê nie.



Diensverskaffers: